Спортскиот комплекс „Соколана“ во Куманово полека, но сигурно, го враќа некогашниот стар сјај.
Спортските терени се завршени и наскоро нов лик треба да добие и внатрешноста и надворешноста на „храмот на спортот“, односно салата која се наоѓа таму, а во која низ годините играле врвни спортисти од цела поранешна Југославија.
Градоначалникот на Општина Куманово Максим Димитриевски вчера беше на терените и вели дека со обновувањето на Соколана, се враќаат ис помените на сите генерации кои тука ги минале детството и младоста.
– Го враќаме сјајот на спортскиот комплекс “Соколана”, а со тоа ги враќаме и спомените на спортските легенди од нашиот град, спомените на сите генерации кои поминале значаен дел од своето детство и својата младост во овој “храм на спортот” во Куманово. Многу заеднички спомени, им должиме на овие генерации за нивниот допринос на сите полиња за нас и државата, вели Димитриевски.
Тој упати и благодарност до Агенција за млади и спорт кои заедно со општината се вклучени во реализација на овој проект.
Никола Ивановски