Со ПВО систем произведен во СССР, Сирија се бранеше од западните ракети

Во воздушните напади кои САД, Британија и Франција ноќва ги изведоа во Сирија, сириските сили употребија систем за воздушна одбрана произведен во Советскиот сојуз Ѕ-125, Ѕ-200, „Бук“ и „Квадрат“, соопшти руското Министерство за одбрана.

– Овие системи за воздушна одбрана произведени се во СССР пред повеќе од 30 години, се наведува во соопштението.

Трите земји од западот ноќва изведоа воздушни удари врз Сирија, во кои е погодена и воздушна база западно од Дамаск, во близина на границата со Либан.

Нападот погодил и воено депо во источен Калумун, северозападно од Дамакс, локација во Масјаф, 170 километри северно од престолнината.

Сириските медиуми јавуваат дека е погоден научно истражувачкиот центар во Дамаск за кој Пентагон тврди дека е користен за развивање и производство на хемиско и биолошко оружје, пренесува Ројтерс.