18-месечно момче умрело од глад поради строгата веганска исхрана на неговата мајка.
Бебето Езра тежело само 7,7 килограми кога починало, а истрагата покажала дека не земал храна една недела пред смртта.
Неговите родители Шила и Рајан О’Лири беа осудени за убиство од небрежност и злоупотреба на деца откако беше откриена смртта на малото дете во 2019 година.
Момчето било систематски изгладнувано и можело да јаде само свежо овошје и зеленчук, што не било доволно за организам кој треба да расте и да се развива на таа возраст.
Аутопсијата открила дека момчето починало од компликации од глад, а Шејла и Рајан повикале полиција кога „забележале дека детето не дише“, во кој момент потврдиле дека не јадело една недела.
Но, во тој период не повикале брза помош, што можеби ќе го спасило животот на момчето.
„Мајката избрала да ги игнорира неговите здравствени проблеми. Не ѝ требала вага за да види дека нешто не е во ред, да го слушне како плаче или да сфати дека неговите коски штрчат од неговата кожа”, изјавила државната обвинителка Сара Милер.
Мајката и таткото се осудени за убиство и се очекува да добијат доживотна казна затвор.
Обвинителството соопшти дека имаат уште три постари деца за кои е забележано дека гладуваат.