Честата употреба на компјутери и паметни телефони предизвикува замор на мозокот, што доведува до развој на депресија и деменција кај луѓето, се вели во студијата на јапонските научници, цитирана од списанието Nikkei Style.
Во последните неколку години, се зголеми бројот на лица со дијагностицирани нарушувања на меморијата. Овој проблем е најчест кај луѓе на возраст меѓу 30 и 60 години.
Зависноста од мобилни телефони ја менува структурата на мозокот
Лекарите го објаснуваат трендот со фактот дека луѓето почнаа активно да користат паметни телефони и компјутери.
Електронските уреди имаат негативен ефект врз мозокот, преоптоварувајќи го со премногу информации. Сивата материја едноставно не се справува со обработката на огромни количини на податоци и станува „депонија“.
Опасни апликации однапред додадени во телефоните, еве што да сторите
Префронталниот кортекс во фронталниот лобус е одговорен за ширење на информации во мозокот. Тој е, исто така, одговорен за размислување, донесување одлуки, контролирање на меморијата и емоциите, објаснува професорката Васеда Јошикуни Едагава.
Кога има многу информации за обработка, функциите на префронталниот кортекс може да бидат нарушени.
Според тоа, се зголемува бројот на грешки, се намалува интелектуалниот капацитет, се појавува фрустрација и гнев, мотивацијата и интересот исчезнуваат.
Се повеќе повреди поради користење мобилни телефони
Научниците веруваат дека луѓето треба да ја ограничат употребата на паметниот телефон кога користат компјутер или гледаат телевизија.
Тие, исто така, треба да спијат повеќе, затоа што за време на спиењето мозокот почива и се регенерира. Покрај тоа, не се препорачува да користите телефон додека јадете.