Во Словенија, поради подобрата епидемиолошка состојба од денеска, носењето маски во повеќето затворени простори повеќе не е задолжително, но оваа мерка сѐ уште се препорачува кога не е можно да се држат дистанца еден од друг, соопшти словенечката влада.
Носењето маски е задолжително во здравствените установи, домовите за стари лица и другите социјални установи.
Но, носењето маски не треба целосно да се фрла на затворени јавни простори, кога не е можно да се држи растојание еден од друг, а тоа особено се препорачува за лица со намален имунитет, е препораката на Словенечкиот институт за јавно здравје (NIJZ).
Маските беа една од клучните мерки во пандемијата за спречување на ширење на вирусот, а доколку немаше обврска, епидемиолошката слика ќе беше многу полоша во изминатите епидемиски бранови, изјави за медиумите инфектологот Бојана Беовиќ.
Укинувањето на задолжителното носење маски го изгласа Владата поради континуираното подобрување на епидемиолошката состојба во последните недели.
Во последните 24 часа се потврдени 1.535 нови инфекции со коронавирус, односно 577 заразени помалку од една недела претходно, а бројот на хоспитализирани продолжува да опаѓа.