Цените на нафтата се задржаа на меѓународните пазари блиску до нивото од 79 долари за барел.
Трговците ги проценуваат можните прекини во снабдувањето од Блискиот Исток и одговорот на нестабилната економија, притисната од глобалната побарувачка на нафта.
На лондонскиот пазар цената на барелот вчера по пладне се зголеми за 27 центи во однос на затворањето на трговијата на крајот на минатата недела и чинеше 78,83 долари, пренесува Ројтерс.
На американскиот пазар, каде цената е пословично пониска, барел за испорака во февруари беше платен по 73,76 долари, 35 центи повеќе од крајот на минатата недела.
Засега нема знаци за одмор или прекин во израелската офанзива на Појасот Газа и во нападите на јеменските Хути врз бродовите поврзани со Израел во Црвеното Море.
Во такви услови, трговците стравуваат од ширење на конфликт што ќе го доведе во прашање снабдувањето со нафта од Блискиот Исток.