Сирискиот претседател Башар ал Асад ѝ рекол на делегацијата на ДНР дека ќе му нареди на Министерството за надворешни работи да започне процедура за официјално признавање на Народните републики Доњецк и Луганск, пренесува Телеграм каналот на Министерството за информации на ДНР.
– Сирискиот претседател Башар ал Асад ѝ честиташе на делегацијата на ДНР за ослободувањето на поголемиот дел од републиката и рече дека ќе нареди Министерството за надворешни работи да ја започне процедурата за официјално признавање на ДНР и ЛНР, пренесува РИА Новости.
Москва ќе го поздрави признавањето на ДНР и ЛНР од други земји, особено од Сирија, која ни е пријателска, изјави Дмитриј Песков, прес-секретар на претседателот на Руската Федерација.
– Ќе го поздравиме признавањето на ЛНР и ДНР од други земји, особено од пријателската Сириска Арапска Република, изјави Песков за новинарите.
Претходно прес-службата на заменик-шефот на Комитетот за одбрана на Државната дума, Дмитриј Саблин, објави дека сирискиот претседател Башар ал Асад му предложил на Министерството за надворешни работи на земјата да размисли како да се градат односите по признавањето на ЛНР и ДНР.
Саблин и Асад се сретнаа за време на состанокот на координативниот штаб на Руската Федерација и Сирија за враќање на бегалците и враќање на мирниот живот.