Возачот кој минатата недела во Малибу, Калифорнија, возел пребрзо со своето БМВ и удрил четири студентки, е обвинет за убиство.
Фрејзер Бом (22) беше приведен во вторникот и се соочува со четири точки од обвинението за убиства на Нијам Ролстон, Пејтон Стјуарт, Еш Вир и Деслин Вилијамс.
Четири девојчиња загинаа на 17 октомври кога Бом ја загуби контролата над своето БМВ додека возеше со голема брзина на озлогласено опасниот дел на легендарниот пат на Пацифичкиот брег.
Тој удрил во неколку паркирани автомобили пред да налета на девојките, кои се движеле во близина, соопшти полицијата по несреќата.
На местото на настанот била констатирана смрт.
Бом неповреден излегол од возилото, по што бил уапсен.
Сепак, тој беше ослободен „за да им се овозможи на детективите време да ги соберат доказите потребни за да се обезбеди најсилното кривично дело и осудата“, објаснија во вторникот одделот на шерифот.
Доказите вклучуваат токсиколошки извештај, анализа на брзината и извршување на налог за претрес, соопшти полицијата.
Доказите се доставени до обвинителството, а во понеделникот е додадена пријава.
Тој е уапсен, а кауцијата е одредена од осум милиони долари.
Тој пред судот во средата се изјасни за невин.
Според медиумите, Бом, кој е од богато семејство и е син на милионер, наводно возел 167 km/h наместо дозволените 72 km/h.
Изгубил контрола над возилото, по што удрил во три возила и покосил група девојки.
Неговите родители наводно поседуваат имот со поглед на Пацификот во близина на местото на несреќата.