Најмалку 22 лица загинаа во силна експлозија во хотелот Саратога во центарот на Хавана, а повеќе од 70 луѓе се повредени, јавија државните медиуми.
Говорејќи од сцената на кубанската телевизија, претседателот Мигел Дијаз-Канел рече дека експлозијата во историскиот, луксузен хотел Саратога најверојатно се должи на истекување на гас.
„Тоа во никој случај не беше бомба или напад“, изјави тој подоцна за Ројтерс додека ја напушташе болницата Каликсто Гарсија во главниот град, каде што беа згрижени многу од повредените.
Сепак, експлозијата предизвика краток бран на паника низ историскиот стар кварт на Хавана, кој постепено почна да се отвора за туристи откако пандемијата го погоди клучниот туристички сектор на карипскиот остров, пренесува Ројтерс.