Повеќе од 7.500 потрошувачи останаа без електрична енергија во Запорожје по руските напади, изјави денес началникот на регионалната воена администрација во тој град, Иван Федоров.
– Непријателот го нападна Запорожје. Избувна пожар. Како резултат на нападот, над 7.500 корисници останаа без електрична енергија – рече Федоров во објава на Телеграм, пренесува Укринформ.
Градскиот совет на Запорожје објави дека 16 згради се оштетени во рускиот напад.
– Една приватна куќа е значително оштетена, додека 15 други згради претрпеа помали штети, вклучувајќи две станбени згради и 13 приватни куќи – објави градскиот совет.
Руските сили го нападнаа Запорожје со беспилотни летала, а во нападите беа повредени тројца цивили.