Италија и денес, од север кон југ, е зафатена од дожд и невреме, па цивилната заштита издаде портокалово предупредување за областите Емилија-Ромања, каде особено загрижуваат реките Секија, Енца и Панаро, како и за Сардинија.
Жолтото предупредување е на сила во уште 10 региони, Пиемонт, Ломбардија, Венето, Тоскана, Лацио, Умбрија, Марке, Пуља, Базиликата и Сицилија, пренесува tg24.sky.
Во Емилија-Ромања, општинските власти ги повикаа граѓаните да го ограничат патувањето на минимум бидејќи лизгањето на земјиштето и одроните оставија многу патишта непроодни.
Пистата беше погодена од поплави во текот на ноќта, а подвозникот Порта Нуова, во близина на железничката станица, беше затворен неколку часа.
Во провинцијата Реџо Емилија, надојде потокот Тресинаро, како и реките Секија и Енца.
Во општина Карпинети некои патишта се затворени поради одрони, додека во Коријано ди Кастелново поплавени се 30 куќи.
Во Отосалиќи 10 лица се отсечени поради свлечиште.
Во областа Модена, мостовите на реката Секија се затворени, бидејќи нивото на водата расте.