Унгарскиот министер за надворешни работи, Петер Сијарто, остро го критикуваше украинскиот претседател Володимир Зеленски, тврдејќи дека Киев станал опседнат со Будимпешта и дека замислува закани што не постојат.
„Претседателот Зеленски го губи разумот поради неговата антиунгарска опсесија“, напиша Сијарто на мрежата „X“.
Тој додаде дека Зеленски почнува да гледа работи што не постојат.
Зеленски претходно изјави дека унгарските беспилотни летала го нарушиле воздушниот простор на западна Украина и дека веројатно го разгледувале индустрискиот потенцијал на пограничните области на Украина.
Сијарто, исто така, го обвини Киев дека спроведува „антиунгарска политика“ откако Украина вчера прогласи тројца високи унгарски воени функционери за персона нон грата.
Односите меѓу Унгарија и Украина се затегнати со години. Будимпешта се спротивставува на притисокот од Брисел и Вашингтон да му обезбеди оружје на Киев или да ги поддржи санкциите на ЕУ против Русија, тврдејќи дека таквите потези би им наштетиле на унгарските национални интереси, потсетува „Раша Тудеј“.