Австралија се бори со неколку групи на инфекции со делта коронавирус, кој е позаразен, па експертите предупредуваат дека земјата е во најопасната фаза од избувнувањето на пандемијата.
Воведен е локдаун во Сиднеј, како и во Дарвин на истокот од земјата, маските се задолжителни повторно во Перт, а може да се воведат и строги мерки откако граѓанин кој бил во Сиднеј пред повеќе од една недела бил позитивен на тестот.
Јужна Австралија најави воведување нови ограничувања од утре.
Австралија досега беше многу поуспешна од другите развиени земји во спречувањето на ширењето на коронавирусот, забележувајќи помалку од 31.000 случаи и 910 смртни случаи.
Делта сојот го алармираше здравствените власти, особено во ситуацијата кога само пет проценти од населението е целосно вакцинирано.
Повеќето од новите случаи на инфекција доаѓаат од возач од Сиднеј кој бил позитивен на тестот со делта сојот на 16 јуни, што се смета за позаразен. Тој не бил вакциниран, наводно не носел маска и се сомнева дека се заразил додека возел странски екипаж од аеродромот во Сиднеј.
Властите предупредија дека двонеделното заклучување во Сиднеј, кое започна во петокот, нема да ја намали стапката на инфекција.
Советникот за здравствена политика рече дека владата треба да размисли за забрзување на вакцинацијата со скратување на периодот помеѓу првата и втората доза на вакцината од 12 на 8 недели.