Шведска отвори нова агенција чија задача ќе биде да ја брани земјата од дезинформации, пропаганда и психолошка војна.
Ова е последен во низата напори на шведските власти да го вратат нивото на воена и цивилна одбрана на „скалата од Студената војна“, пишува „Телеграф“.
Официјалното отворање на Шведската агенција за психолошка одбрана се случи истиот ден кога финскиот претседател Саули Нинисто ја обвини Русија за „мешање во суверенитетот на неколку земји-членки на ЕУ како Шведска и Финска“, барајќи од нив гаранции дека нема да дозволат НАТО да се прошири понатаму на исток.
„Дезинформациите се закана за шведската демократија, нашите законодавци и нашата независност“, рече шведскиот министер за внатрешни работи Микаел Дамберг на прес-конференција во октомври 2021 година, објавувајќи дека Хенрик Ландерхолм, поранешен заменик-декан на Шведскиот воен универзитет, ќе ги води новите агенции.
На конференцијата Дамбер рече дека првата задача на новата агенција ќе биде да ги заштити изборите во Шведска од различни влијанија кои беа особено видливи за време на американските претседателски избори во 2016 и 2021 година.
„Многу важна задача на агенцијата во 2022 година ќе биде да ја зајакне способноста на општеството да препознае и да се справи со дезинформациите насочени против Шведска, поврзани со општите избори“, рече Дамбер.
Потоа, Ландерхолм ги означи Русија, Кина и Иран како земји кои шират најмногу дезинформации насочени против Шведска и додаде дека целта на таа пропаганда често била едноставно да предизвика поделби во општеството и да ја поткопа довербата во владата.
„Ако погледнеме како се формираат наративи за тоа како функционира Шведска или не, многу од нив се насочени кон дестабилизирање или поткопување на довербата во владините агенции“, рече Ландерхолм во интервју за шведското радио.