На преговорите Киев предлага да се создаде австриска или шведска верзија на демилитаризираната држава со своја војска во Украина, изјави шефот на руската делегација, помошник на претседателот Владимир Медински.
– Зачувување и развој на неутралниот статус на Украина, демилитаризација на Украина… Се разговара за низа прашања поврзани со големината на украинската армија. Украина нуди австриска, шведска верзија на неутрална демилитаризирана држава, но во исто време и држава која има своја војска и морнарица. За сите овие прашања се разговара на ниво на раководствата на министерствата за одбрана на Русија и Украина – рече Медински.
Украинската армија објави фотографии: „Вака изгледаат окупаторските хеликоптери“ (ФОТО)
Шефот на руската делегација потсети дека „Украина сѐ уште има неутрален статус“.
– Украина се повлече од Советскиот Сојуз во 1991 година под услов на неутралност, а таа неутралност е запишана во Декларацијата за суверенитет на Украина – нагласи тој.
Тој посочи кои се најважните прашања за Москва.
– Секако, клучното прашање за нас е статусот на Крим и Донбас, како и хуманитарните прашања, вклучително и денацификацијата, правата на населението што зборува руски и статусот на рускиот јазик и така натаму – додаде Медински.
Украински обвинител: 103 деца се убиени од почетокот на руската инвазија
Истовремено, тој ги демантираше изјавите од Киев за исклучување на точката за денацификација на Украина од преговарачката агенда.
– Не, ова не е сосема точно. Темата за денацификација и построго казнување, спроведување на законот, на прво место, казнување за величење на нацизмот, неонацизмот, екстремизмот заснован на нив, сѐ уште е важна точка на агендата на разговорот – рече Медински.
Член на руската делегација изјави и дека преговорите со Киев се тешки и бавни, но дека ставот на Москва не е променет.
Украинската армија објави фотографии: „Вака изгледаат окупаторските хеликоптери“ (ФОТО)
Тој нагласи дека „буквално секоја бројка, секоја буква во договорите се разговара со украинската страна со посебно внимание“.
– Сакаме ова да биде договор со генерации, за нашите деца да живеат во свет чии темели се поставени со овој договорен процес – објасни Медински.