Властите на популарниот шпански остров Ибица користат странски шпиони за да се инфилтрираат во илегални забави каде може да се прекршат епидемиолошките мерки и другите закони.
„Проектот започна пред неколку дена и треба да трае до крајот на август, но може да се продолжи“, изјави во петокот портпаролот на регионалната влада, Армандо Тур.
Властите, во договор со локалната полиција, ангажирале детективска агенција која ангажирала голем број поранешни странски шпиони со скратено работно време.
Тајните агенти се претежно странци на возраст од 30 до 40 години со средна до висока куповна моќ, бидејќи ова се главните карактеристики на оние што доаѓаат на вакви настани, објасни Тур.
Билетите за илегални забави понекогаш чинат повеќе од 100 евра, а на забавите има повеќе од 500 луѓе.
Постојат добри причини за невообичаените методи што ги преземаат властите. Полицијата нема доволно персонал и илегалните забави речиси секогаш се одржуваат во приватни станови или куќи.
На шпанската полиција не и е дозволено насилно да влезе во приватен имот само затоа што се одржува забава.
Неодамна, Ибица и другите Балеарски Острови имаа највисока стапка на инфекција со коронавирус во Шпанија.
Седумдневната инциденца во моментов е 226 случаи на 100.000 луѓе.