Женската репрезентација на Шпанија и машката на Турција освоија златни медали од Младинската олимпијада (ЕМОФ) која неделава се одржуваше во Куманово.
Шпанките денеска во последниот натпревар од Олимпијадата го совладаа составот на Франција со 69:38 и се закитија со злато.
Со тоа Франција освои сребрени медали, додека третото место и бронзен медал освои репрезентацијата на Германија која денеска ја совлада Белгија со 75:63.
Во машка конкуренција злато освои репрезентацијата на Турција, која ја совлада екипата на Франција, која пак замина од Куманово со сребрен медал.
Бронза во машка конкуренција освои репрезентацијата на Литванија која ја совлада Србија.
Македонија денеска загуби во натпреварите за 7 место. Мажите претрпеа пораз од Латвија со 75:50, а девојките од Унгарија со 90:44.
Никола Ивановски