Владата на Шпанија денес објави дека го повлекува својот амбасадор од Израел, според официјалниот државен весник објавен денес, пренесува Ројтерс.
Шпанската амбасада во Тел Авив привремено ќе ја води шефот на мисијата (вршител на должноста), изјави извор од Министерството за надворешни работи.
Претходно, Австралија ги затвори своите амбасади во Обединетите Арапски Емирати и Израел, како и својот конзулат во Дубаи, поради страв дека конфликтот на Блискиот Исток би можел да се засили.
Пени Вонг, шефот на дипломатијата на Австралија, изјави дека девет градови каде што се наоѓаат австралиските амбасади и конзулати биле изложени на ракетни напади и напади со беспилотни летала.
Нападите на Иран продолжуваат на невидено ниво. Конфликтот веројатно ќе се засили и ќе продолжи, изјави Пени Вонг пред парламентот.