Германскиот канцелар Олаф Шолц е мета на истражните органи поради аферата што се случила додека тој бил градоначалник на Хамбург.
На 19 август Шолц ќе треба да сведочи пред истражниот комитет во Хамбург.
Имено, тој е обвинет дека и помогнал на „Варбур банка“ да задржи 47 милиони евра колку што побарувале даночните власти.
Обвинителството нареди да се претресат неговите мејлови кои ги добил и ги испратил. Поточно, се истражува колкаво влијание имала политиката врз контроверзните одлуки во врска со скандалот „Кум-екс“, пренесува Танјуг.
Во ноември 2016 година беше донесена одлука да се откаже од барањето за ретроактивна наплата на данок во износ од 47 милиони евра до Хамбуршката „Варбург банка“.
Во истражните документи стои дека Шолц имал средба со шефот на таа банка.
Истрагата е првенствено насочена против долгогодишниот пратеник на СПД, Јоханес Карс, кој е осомничен за проневера и помагање при затајување данок.
Портпаролот на германската влада Штефен Хебестрајт изјави дека не знаел дека дигиталната пошта на Шолц била предмет на истрага.
Банкарите, адвокатите и инвеститорите од 2001 до 2016 година ја мамеле државата со даночни трикови за неколку милијарди евра.
Така на незаконски начин барале двојно плаќање на даноците кои само еднаш ги платиле.