Пандемијата на коронавирус тешко дека ќе го остави светот сам во догледна иднина, објави водечкиот руски имунолог, предупредувајќи ги државите дека тие мора да бидат подготвени да се борат против вирусот и да ги елиминираат новите соеви што можат да бидат отпорни на вакцини.
Д-р Николај Кручков рече дека вирусот може да биде целосно под контрола само на крајот на 2023 година или во 2024 година, и дека само тогаш можеме да очекуваме стабилизација на ситуацијата во светот.
– Главната работа е дека дотогаш треба да ја намалиме смртноста и можноста за нови мутации. Ова ќе ни овозможи да ја контролираме ситуацијата и да ја запреме пандемијата – рече тој.
Меѓутоа, друг руски научник, професор по вирусологија Александар Чепурнов, рече дека светот треба да биде умерено оптимистички, кога станува збор за крајот на Ковид-19.
– Има надеж. Ако се вакцинираат 60 проценти од населението, плус оние што го прележале вирусот, ќе можеме да добиеме колективен имунитет, што ќе ни овозможи да ја контролираме ситуацијата. Но, ако има мутации што избегнуваат вакцини, или му даваат на вирусот поголема моќ да се шири, тогаш процесот ќе стане постојан, а тоа е многу алармантно – рече Чепурнов.