Специјализираната веб-страница The Workers Rights која се занимава со правата на работниците во светот објави видео со вознемирувачка содржина.
На видеото кое го објави специјализираната веб-страница The Workers Rights може да се види како работничките во магацинот на руската компанија Wildberries мораат да се соблекуваат до долната облека за да можат властите да проверат дали нешто украле.
Споменатиот портал со видеото напиша дека тоа е кршење на основните човекови права и дека мора веднаш да престане.
Во коментарите на социјалните мрежи се наведува дека се работи за руската верзија на Amazon.
Основач на Wildberries е Татјана Бакалчук, милијардерка проценета на Форбс дека вреди околу 4,5 милијарди евра.
Во јули 2021 година, Украина ја стави гореспоменатата компанија под санкции за продажба на „политички некоректни книги“ и руски воени предмети.
На ист начин, Полска ја санкционираше Татјана Бакалчук поради нејзините врски со руската банка ВТБ, која е под целосни санкции.