Колумбиски земјоделец од регионот Антиокија пронашол 600 милиони долари во готовина закопани на својата фарма додека работел земјоделска работа.
Според колумбиските медиуми, парите би можеле да бидат поврзани со покојниот нарко-бос Пабло Ескобар.
Земјоделецот, кој сакал да остане анонимен од безбедносни причини, открил додека го обработувал имотот, неколку ‘рѓосани метални буриња закопани повеќе од еден метар под земја, во кои имало стотици купчиња банкноти, претежно американски долари, кои биле совршено зачувани, објавува шпанскиот весник „Марка“.
Колумбиската влада размислува да ги конфискува парите
Колумбиските власти, откако биле известени за откритието, започнале истрага за да го утврдат точното потекло на парите.
Според првичните претпоставки, парите би можеле да бидат дел од скриени магацини што ги користел картелот Меделин во 1980-тите и 1990-тите за складирање големи количини готовина што не можеле лесно да се легализираат или преместат.
Ова не е прв пат да се пронајдат пари на Пабло Ескобар.
На врвот на својата слава, самиот нарко-бос криел големи суми пари на фармите и во џунглата. Многу од тие залихи биле заборавени по неговата смрт во 1993 година.
Откритието повторно го разгоре интересот за легендарното „богатство на Пабло Ескобар“, но исто така предизвика загриженост за безбедноста на земјоделецот и неговото семејство.
Владата на Колумбија размислува дали да заплени 600 милиони долари или да го награди земјоделецот.