Шеширот на Меланија Трамп предизвика скандал во Африка (ФОТО)

Првата дама на Соединетите Американски Држави, Меланија Трамп, овој викенд го заврши првото официјално патување низ Африка и тоа без сопругот Доланд Трамп.

За време на посетата на црниот континент, Меланија ги посети Гана, Малави, Кенија и Египет, а нејзиното патување многумина го видоа како начин да се ублажи серијата негативни коментари и лапсуси кои американскиот претседател ги направи во врска со африканските земји, меѓу другото и наведувањето на непостоечката африканска земја Намибија во пресметката со африканските амбасадори.

Првата дама на Америка, при престојот во Африка говореше за правата на децата, образованието, туризмот и зачувувањето на природата.

При престојот во Најроби, Меланија посети сиротиште, а потоа била во национален парк, каде со мобилен телефон фотографирала животни, посетила и место на кое биле запалени 105 коски од слонови, како дел од напорите да се стави крај на тој вид илегална трговија.

За жал, позитивните напори на првата дама ги засени еден навредлив гест, кој многумина го окарактеризираа како целосна немарност и непознавање на локалната историја.

Имено, првата дама за оваа прилика избрала елегантна сафари комбинација, а главниот аксесоар и бил ретро шешир, каков што во 19. век носеле Европјаните во Африка, делови на Азија и Блискиот исток. Во Африка тоа е симбол на британските колонијални освојувачи, па многумина Африканци биле навредени поради тоа.