Непосредни избори во Венецуела нема да се одржат додека не се стабилизира ситуацијата во земјата, изјави претседателот на венецуелското Национално собрание Хорхе Родригез за телевизијата Newsmax.
Изјавата на Родригез дојде повеќе од еден месец откако САД го соборија венецуелскиот лидер Николас Мадуро, објави Ројтерс.
Како што беше наведено синоќа, венецуелскиот опозициски лидер Хуан Пабло Гуанипа, поранешен член на Националното собрание на Венецуела, беше киднапиран во Каракас околу полноќ по локално време, само неколку часа откако беше ослободен од затвор, објави опозицискиот лидер и добитник на Нобелова награда за мир Марија Корина Мачадо, пренесува Танјуг.