Северна Кореја започна голема акција против сè што се смета за влијание од Југот – од венчаници до употреба на сленг, открива нов извештај.
Извештајот на јужнокорејските власти се заснова на сведоштвата на стотици луѓе кои избегале од земјата.
Меѓу нив е и случајот со 22-годишник кој бил погубен откако признал дека слушал јужнокорејска музика и споделувал филмови, за што BBC првпат објави минатата година.
Северна Кореја, која го нарече минатогодишниот извештај „клевета и измислица“, се уште не го коментирала новиот документ.
Според собраните сведоштва, бројот на претреси на куќи се зголемил од 2021 година, бидејќи службениците бараат индиции за надворешната култура, објави новинската агенција Јонап.
Меѓу другото, тие индиции вклучуваат носење бел венчален фустан или ситуации кога младоженецот ја носи невестата на грб.
Телефоните се пребаруваат и за јужнокорејски сленг во пораките и контактите, се додава во извештајот.
Се смета дека очилата за сонце се против официјалната идеологија, иако ги носи севернокорејскиот лидер Ким Џонг Ун.
Неговиот татко, исто така, етикетираше одредени парчиња од секојдневната облека, како што се фармерките, како контрареволуционерни.
Не се знае точно колкави се казните за овие прекршоци.
Сепак, се чини дека борбата против јужнокорејската култура стана пожестока.
Законот од 2020 година воведе смртна казна за гледање и споделување забавна содржина во Јужна Кореја.
Овогодинешниот извештај содржи случај на јавно погубување, претходно откриен од Би-Би-Си, на 22-годишен фармер кој слушал 70 песни, гледал три филма и ги споделил.
Се верува дека ова е единствениот пример на егзекуција извршена според „Законот за отфрлање на реакционерната идеологија и култура“ кој стана познат на јавноста.
На видеото објавено на почетокот на 2024 година, се гледаат двајца тинејџери кои се осудени на тешка работа за слично дело.
Уште пред три години, севернокорејските државни медиуми ги повикаа младите да не користат јужнокорејски сленг и им порачаа да зборуваат севернокорејски стандарден јазик.
Во официјалниот севернокорејски печат имаше и натписи за штетноста од прифаќањето на модните трендови, фризури и музика од Јужна Кореја.
Тоа е дел од сеопфатниот закон кој се обидува да го елиминира секое странско влијание преку строги казни.
Оние кои ќе се утврди дека го прекршуваат законот може да се соочат со затвор или дури и со егзекуција.
Во тоа време, весникот Родонг Шинмун ги предупреди милениумците, генерацијата родени во 2000-тите, за „опасноста од следење на јужнокорејската поп култура“.
„Идеолошкото и културното пробивање на живописното колоритно табело на буржоазијата е уште поопасно од непријателите кои земаат оружје“, се вели во написот.
Беше истакнато дека корејскиот јазик заснован на дијалект од Пјонгјанг е „супериорен“ и дека младите треба да го користат правилно.
Северот неодамна се обиде да го уништи јужнокорејскиот сленг, на пример, една жена што го нарекува својот сопруг „oppa“ – што значи „постар брат“, но често се користи како дечко.
На видеото објавено на почетокот на 2024 година, се гледаат двајца тинејџери кои се осудени на тешка работа за слично дело.
Јужнокорејскиот извештај доаѓа во време на зголемени тензии меѓу Сеул и Пјонгјанг.
Во текот на последните два месеци преку границата од север беа испратени над 2.000 балони полни со ѓубре, а во некои од нив беа пронајдени и паразити.
Неодамнешната средба меѓу Ким Џонг Ун и рускиот претседател Владимир Путин дополнително ги влоши односите.
Иако ваков извештај се подготвува секоја година од 2018 година, ова е само втор пат да се објавува.
Извештаите претходно не беа објавени за да се избегне провокација на Северна Кореја.