Северна Кореја досега не потврди ниту еден случај на ковида-19, објави Светската здравствена организација (СЗО).
Според податоците со кои располага СЗО, Северна Кореја тестирала 693 лица за корона вирусот од 30 јули до 5 август, а сите тестови се покажале негативни, пренесува агенцијата Тас.
Властите на Северна Кореја тестираа вкупно 36.000 луѓе од појавата на пандемијата на вирусот, но ниту еден случај не е позитивен.
Во почетокот на 2020 година, Пјонгјанг воведе строги мерки против коронавирусот и ги затвори границите, со цел да спречи „увезени случаи“.