Северна Кореја истрела ракета за која се верува дека е балистичка ракета во вторникот, соопштија јужнокорејската војска и јапонската крајбрежна стража.
Ова е второ лансирање на проектил за помалку од една недела, откако лидерот на оваа изолирана држава повика на понатамошен воен напредок.
Се чини дека проектилот паднал надвор од јапонската ексклузивна економска зона (ЕЕЗ), објави новинската агенција Кјодо, цитирајќи владини извори во Токио.
Тестирањето од страна на нуклеарно вооружената Северна Кореја го нагласи новогодишниот завет на севернокорејскиот лидер Ким Џонг Ун дека ќе ја зајакне војската за да се спротивстави на нестабилната меѓународна ситуација во услови на застој во разговорите со Јужна Кореја и САД.
Минатата недела Северна Кореја соопшти дека истрелала „хиперсонична ракета“ која успешно погодила цел во средата.
Лансирањето во вторникот дојде еден ден откако мисијата на САД во Обединетите нации, на која и се приклучија Франција, Ирска, Јапонија, Велика Британија и Албанија, објави заедничка изјава во која го осудува минатонеделниот тест.
Таквото тестирање го зголемува ризикот од погрешно проценување и ескалација и претставува значајна закана за регионалната стабилност, се вели во соопштението на американската амбасадорка Линда Томас-Гринфилд.
Го покажуваат и она што Северена Кореја може да им понуди на клиентите и на трговците со луѓе нелегално оружје ширум светот, додаде таа.
Јужнокорејските воени претставници во петокот ги преиспитаа можностите на „хиперсонична ракета“ за која Северна Кореја тврдеше дека била тестирана минатата недела, велејќи дека се чини дека е ограничен напредок во однос на постоечките балистички ракети на Пјонгјанг.
Резолуциите на Советот за безбедност на ОН ги забрануваат сите севернокорејски балистички ракети и нуклеарни тестови и воведоа санкции поради програмата.
Северна Кореја тврди дека е отворена за разговори, но само доколку САД и другите се откажат од „непријателската политика“ како што се санкциите и воените вежби.
Таа, исто така, тврди дека нејзините ракетни тестови и други воени активности се за самоодбрана и слични на оние што редовно ги преземаат другите нации.