Кошаркарите на Куманово го забележаа вториот пораз во БИБЛ лигата, откако вчеравечер на домашен терен во последна секунда го загубија мечот против екипата на Башкими од Косово.
Loading...
Сино-белите мечот го почнаа брилијантно, откако првите пет минути ги оставија гостите без ниту еден постигнат кош и направијја убедлива предност од 18 поени, па првата четвртина ја завршија со резултат 31:13. Огромен пад на концентрацијата започна во вторите 10 минути за домаќините.
Предноста која ја имааа кумановци опадна и на полувреме се замина со резултат 45:36, што за гостите беше мотивирачки и вториот дел од натпреварот да го надоместат резултатот. Крајот на натпреварот носеше огромна неизвесност, но откако резултатот остана изедначен, односно 78:78, следуваа продолжени пет минути во кои публиката беше на нозе и ги бодреше избраниците на Србиновски.
Loading...
Последните секунди ја кренаа атмосферата во спортската сала во Куманово, откако со шутот на Костоски се постигна водство за Куманвоо од 95:94, но откако по овој погодок останаа три секунди на семафорот со брза акција, кошаркарите на Башкими во последната секунда реализираа погодок и остварија победа.
Брилијантен како и секогаш со 28 поени беше капитенот на КК Куманово, Александар Костоски, а веднаш зад него со 16 поени е Данило Мијатовиќ. За гостите со 25 најдобар беше Палм, со 24 Џонсон, а 18 поени впиша Поповиќ, кој е најзаслужен за победата на својот тим.
КК Куманово со пет победи и два порази се уште е на врвот во табелата од А групата со 12 поени, оставајќи го зад себе Берое со 10 бода. Следниот меч избраниците на Марјан Србиновски го играат на 13ти декември кога ја пречекуваат екипата на Сигал Приштина.
Loading...
