Индиски борбен авион се урна за време на тренинг лет на североистокот од земјата, при што загинаа двајцата пилоти, соопштија индиските воздухопловни сили.
Борбен авион „Сухој“ со две седишта се урна во округот Караби Англонг во индиската држава Асам по полетувањето од воздухопловна база доцна синоќа, според соопштението.
Службениците ја истражуваат причината за несреќата.
Министерот за одбрана Раџнат Синг изјави дека е тажен поради загубата на двајцата пилоти.
Руски дизајнираниот Су-30МКИ е произведен по лиценца од индиската државна компанија „Хиндуста Аеронаутикас Лтд“. Индиските воздухопловни сили имаат повеќе од 260 вакви авиони.
Несреќи со овој тип авиони се регистрирани во Индија во јуни 2024 и јануари 2023 година.