Во Куманово продолжуваат инфраструктурните зафати насочени кон подобрување на условите за живеење на граѓаните.
Во населбата Гоце Делчев, во тек е асфалтирање на паркинг простор кај објектот „Шипад“.
Според градоначалникот на Општина Куманово Максим Димитриевски, со оваа инвестиција ќе се овозможи уреден и безбеден простор за паркирање на граѓаните, и се подобрува пристапноста за жителите.
Паралелно со тоа, завршени се и градежните активности со бекатон на два крака – еден од улица „40“ и еден од улица „1“ во населбата Карпош.
Овие зафати се дел од континуираните инвестиции во уличната инфраструктура со цел поголема безбедност и уреденост на урбаните средини.
Дополнително, во истата населба, на улица „32“, во тек се подготовки на теренот за поставување бекатон, со што се заокружува планот за подобрување на локалната патна мрежа.
Градоначалникот Максим Димитриевски нагласува дека ваквите проекти се дел од стратегијата „чекор по чекор“ за создавање на поубаво и поурбано Куманово.
Во меѓувреме во тек е првата фаза од реконструкцијата на улицата „Карл Маркс“, позната меѓу граѓаните како Орта Бунар.
– Општина Куманово продолжува со реализација на инфраструктурни проекти со цел подобар и побезбеден сообраќај за нашите сограѓани, порача првиот човек на градот.
Паралелно со бекатон се уредува крак два од улицата „426“ во населбата Ајдучка Чешма, на потегот познат како Бара. Истиот процес се одвива и на улицата „421“ во населбата Иго Тричковиќ, каде што се поставуваат бекатонски плочки.
Во населбата Ајдучка Чешма претходно се изврши бекатонирање на улиците „129“ и „130“. Паралелно во месноста Бараки беа поставени на рабници на улица „2002“, со цел создавање поуреден и побезбеден простор за движење.
Активности се изведуваа и во населбата Карпош, каде ќе се врши бекатонирање на два крака од улица „40“.
Општина Куманово во меѓувреме го асфалтираше патниот правец што ги поврзува селата Вак’в и Пчиња.
Градоначалникот Максим Димитриевски претходно информираше дека во тек е поставување бекатонски плочки на улица „528“ во населбата Ајдучка Чешма, позната како „Бара“.
Целосно се завршени улиците „23“ и „25“ во населбата Карпош, каде е изведено бекатонирање со цел подобрување на пристапноста, функционалноста и безбедноста.
Овие зафати се дел од пошироката програма на Општина Куманово, во рамките на која неодамна беа уредени и улиците „42“ и „43“ во Карпош, а улица „36“ е целосно завршена и пуштена во употреба.
Паралелно, на улица „25“ се поставени нови бекатонски плочки за подобрување на пристапноста и визуелниот изглед.
Во Карпош, покрај новоуредените улици „42“ и „43“, завршена е и улица „39“ со нова бекатонска површина, а слични работи се изведуваат и на улица „35“.
Никола Ивановски