Пролетниот распуст за учениците ќе замине во историја по само една учебна година применување.
Ова денеска го најави министерката за образование и наука Весна Јаневска, која потенцираше дека учебната година ќе завршува на 10 јуни.
-Нема да има пролетен распуст. Финалните анкети на родителите покажаа дека тие не сакаат, но и на повозрасните ученици, исто така, така што оваа година, пролетен распуст нема да има, изјави Јаневска, одговарајќи на новинарски прашања.
Освен за матурантите, претстојната учебна 2024/25 година ќе започне на 2 септември и ќе трае до 10 јуни.
Пролетниот распуст го воведе претходната влада, се примени само еднаш од 29 април до 6 мај годинава, а учебната година затоа беше продолжена за основците до 17 јуни.
Никола Ивановски