На градските гробишта во Куманово започна тампонирање на внатрешните патеки, информираат од јавното претпријатие „Чистота и зеленило“.
Според нив, во изминатиот период извршено е тампонирање на најоштетените делови од уличките со материјал од гребен асфалт.
Од претпријатието појаснуваат дека интервенцијата е насочена кон деловите каде што најчесто се создаваат бари и кал по врнежи, што го отежнува движењето на посетителите.
Како што посочува директорот Сашо Томиќ, на располагање имале ограничени количини материјал, па приоритет добиле најкритичните локации, за кои и самите граѓани упатувале реакции.
Активностите, најавува тој, ќе продолжат и во наредниот период, а во план е и уредување на уличките во новата парцела на гробиштата.
Покрај тоа, претходно на оваа локација беше поставена дополнителна урбана опрема за одлагање отпад, откако граѓани укажале на недоволен број садови за смет.
Отпадот од цвеќе и гранки се собира и транспортира редовно, двапати неделно, поради зголемениот обем, а чистењето го вршат екипи на јавното претпријатие „Чистота и зеленило“.
Никола Ивановски