Кога се сомневаат дека нивните сопрузи ги изневеруваат, жените имаат два избори. Да се преправате дека ништо лошо не се случило и да молчите за тоа. Или да направите нешто и да откриете која е вистината.
Оние што одлучуваат да се соочат со вистината, го прават тоа на различни начини. Некои дури одат дотаму што ангажираат приватни детективи за да ја откријат вистината.
Една од жените што го сторила тоа испратила писмо до психотерапевтот Деид Сандерс и ѝ раскажала за нејзината ситуација.
– Тој има 35 години, а јас 33, и на почетокот ми рече дека пред бракот се гледал со ескорт девојки, но ме убеди дека никогаш повеќе нема да плати за водење љубов – ја започна приказната оваа анонимна жена.
Меѓутоа, секогаш кога таа иницирала водење љубов, тој немал желба и почнал да го крие својот телефон од неа. Не можејќи да издржи, таа сепак го погледнала телефонот додека тој се туширал.
– Видов дека тој неколку пати ги разгледувал веб-страниците со ескорт дами во изминатите неколку недели – вели таа, а кога му кажала на сопругот што видела, тој ја обвинил дека „прави проблем од ништо“.
Меѓутоа, таа немала намера да се откаже, па на интернет нашла приватен детектив и се договорила со него да го следи нејзиниот сопруг 48 часа во неделата, по еден месец.
– Тој беше многу професионален и ми доставуваше извештај секоја недела, а моите сомневања веднаш се потврдија – рече таа, а на фотографиите видела дека нејзиниот сопруг има секс на совозачкото седиште во заеднички автомобил и, уште полошо, дека додека таа била на работа, тој носел други жени во куќата.
Иако долго време се сомневала дека сопругот ја изневерува, таа сепак не можела, а да не се шокира.
– Фотографиите ги оставив на маса за да може да ги види штом ќе се врати од работа и јас само му реков да ги спакува куферите – вели таа и додава дека не се слушнала со него откако ја напуштил куќата.
Меѓутоа, кога целата ситуација се смирила, таа почнала да се чувствува предадена и осамена.
– Како да му верувам повторно на некого? – го прашала терапевтот.
Верувајте им на вашите инстинкти
– Рековте дека отсекогаш сте знаеле дека ве лаже, што може да значи дека сѐ уште можете да верувате дека инстинктот ќе ви каже каков е некој. Имавте лошо искуство, но тоа не значи дека сите се такви – заклучува терапевтот.