The International е најпрестижниот турнир во Dotа 2, а воедно е и најголемиот спортски турнир на сите времиња, со рекорден награден фонд од 40 милиони долари. Во неочекуван сет на околности, овој спектакл е поместен.
Само еден месец пред да започнеме, дознавме дека The International 10 остана без својот домаќин. Сега конечно добивме ново место и датум за натпреварот – се гледаме на 7 октомври во Букурешт!
Овогодинешното The International првенство првично требаше да се одржи во Стокхолм во Авичи Арената, од 5 до 15 август. Како што дознавме дека Шведска им откажа на Dotа 2 организаторите во последен момент, Valve веднаш започна да бара нов домаќин за најголемиот е-спорт турнир на сите времиња.
We are thrilled to announce The International 10 – Dota 2 Championships will be held this October in Bucharest, Romania — https://t.co/SiavI2o1Al pic.twitter.com/dzaQgyejdZ
— DOTA 2 (@DOTA2) July 7, 2021
Според најновите вести, дознаваме дека The International 10 е преместен во Букурешт и дека тоа ќе се одржи во периодот од 7 до 17 август. Најдобрите тимови во светот ќе се борат за награден фонд од 40 милиони долари на најголемиот романски стадион.
Бидејќи не сме сигурни како дотогаш ќе се развива ситуацијата со КОВИД-19, тешко е да предвидиме дали турнирот ќе прима навивачи. Сепак, се надеваме, бидејќи The International никогаш не била поблиску до Балканот, а можеби и никогаш нема да биде. Ако сте голем љубител на Dotа 2, можеби ќе имате шанса конечно да го гледате најголемиот меѓународен е-спорт на сите времиња.