Припадник на група шверцери на дрога, кој се наоѓаше на листата на Европол од 54 најбарани криминалци во 2022 година, се предал на полицијата, соопшти денеска унгарската полиција.
Во средата маж (35) се појавил во полициската станица во Дебрецен во источна Унгарија и бил уапсен, а судот истиот ден му одредил истражен притвор.
Во соопштението за печатот се наведува дека Иштван В. Шандор и неговите соработници, вклучително и човекот кој се предал, Андраш Ц, управувале со софистицирана опрема за одгледување и преработка на канабис во областа Бач-Кискун во централна-јужна Унгарија во 2020 и 2021 година, како дел од операциите во вредност од 763.000 евра, информираат од МТИ.
На 21 мај 2021 година полицијата упаднала во просториите и запленила 165 килограми марихуана и кокаин, а потоа од членовите на групата бил одземен имот вреден 966.816 евра, јавува Танјуг.
Инспекторите успеале да ги идентификуваат сите седум членови на криминалната група.
Двајца од нив набрзо беа фатени во Унгарија, додека по пет члена во бегство беа распишани европски и меѓународни потерници.
Европол ја започна медиумската кампања Game Over во ноември 2023 година и вклучи податоци за унгарскиот организиран криминал на својата веб-страница и други медиуми.
По Тамаш Багамери беше распишана потерница, а од јули 2023 година го зазеде местото на Иштван В Шандор на потерницата на Европол.