Резултатите од анкетата спроведена од Француската национална асоцијација на погребални агенции (CNASF) покажаа дека Французите сакаат алтернативни еколошки погреби кои не ја загрозуваат животната средина.
Биоразградливи урни, ковчези направени од одржливо дрво или дури и картон се бараат од погребалните компании, а некои Французи имаат последна желба нивната смрт да има што е можно помало влијание врз животната средина или едноставно да бидат погребани во позелена средина, објавува BFMTV.
Затоа во последниве години, на француските гробишта се појавија нови места за погребување, кои се опишани како природни или еколошки.
Како доказ за овој растечки интерес, беше спроведена прелиминарна студија за Париската фондација за погребални услуги за мерење на јаглеродниот отпечаток од погребите.
Според оваа студија, погребот испушта исто толку CO2 колку патување со автомобил од 4.023 километри.
Ова се влошува со контаминација на почвата со производи што се користат за зачувување на телото на починатиот.
Кремацијата, од друга страна, е еквивалентна на возење автомобил 1.124 километри, а покрај стакленичките гасови, согорувањето на телото ослободува диоксини и жива.
Од 2018 година, француските крематориуми мора да бидат опремени со филтри за да се минимизираат емисиите.
Погребите се вршат директно во земјата без бетонски гробови, а самите ковчези мора да бидат направени од едноставно бело дрво или картон, без додатоци како што се, на пример, метални рачки на ковчегот.
Се препорачуваат погреби без хемиски производи за балсамирање како што е формалдехид, супстанца што ја загадува почвата и подземните води.
Семејствата се охрабруваат да избираат само облека направена од природни влакна за починатиот.