Студенката, кој се омажила со маж постар 51 година од неа, вели дека тој е многу внимателен љубовник и додава дека таа не игра улога на маќеа на неговите деца, кои се скоро 30 години постари од неа.
29-годишната Терзел Расмус од Кејп Таун, Јужна Африка, во 2016 година го запознала 80-годишниот Вилсон Расмус и лудо се вљубил, и покрај тоа што имал внуци на нејзина возраст.
Студентката по право вели дека љубовта е слепа и сурова работа и додава дека Вилсон и таа веднаш започнале да се забавуваат и дека тој навистина сакал помлада жена да се грижи за него на старост.
Нејзината мајка и покојниот татко дале одобрување за нивниот брак, а сведок на венчавката била 56-годишната ќерка на Вилсон.
Парот сега живее заедно, а Вилсон финансиски ја поддржува неговата сопруга да ги заврши студиите по право.
„Се запознавме на танцувачка вечера каде што бев дежурна новинарка и фотограф. Кога завршив, Вилсон одеше преку подиумот до местото каде што седев и ме праша дали може да седи до мене. Реков – „Да“, а останатото е историја – оттогаш не сме се разделиле“, рече Терзел.
Откако размениле телефонски броеви, таа го поканила на кафе и потоа, како што вели, им била запечатена судбината.
Терзел додава дека ова е нејзина прва долгорочна врска и дека по само три месеци врска сакала да се омажи за Вилсон.
Наместо да бидат исплашени од големата разлика во возраста, сопружниците веруваат дека токму затоа се надополнуваат едни со други.
„Тој ми помага давајќи совети за големи одлуки во врска со мојата иднина и можам да побарам негово мислење кога не сум сигурна за нешто. Јас секогаш може да се потпрам на Вилсон, а тој финансиски ме поддржува, особено ми помага да ги плаќам студиите“, додаде Терзел.
Вилсон рекол: „Никогаш не се сметав себеси за постара личност и ова ме одржува здрав и жив – тоа што сум со Терзел ми помага и да размислувам и да се чувствувам така. Ми се допаѓа тоа што Терзел ќе биде таму за да се грижи за мене во мојата старост“.
За разлика од многу други парови кои имаат значителна разлика во возраста, двајцата поминале без осуда во своите семејства.
Терзел рече: „Моите родители го сакаат Вилсон, а татко ми беше импресиониран од она што може да ми го понуди како партнер и тој секогаш сакаше да бидам со човек што може да се грижи за мене“.
„Ќерките на Вилсон беа љубезни со мене и се однесуваа кон мене на еднаква основа, и покрај фактот дека сум половина помлада од нив“, искрена е Терзел.
Кога парот излегува во јавноста, честопати ги мешаат дека се татко и ќерка, а има и злонамерни коментари за тоа дека Терзел брка спонзор и е со Вилсон само заради парите.
Таа има еден одговор на сето тоа: „Моите надежи и соништа се наши надежи и соништа“.