Американскиот претседател Доналд Трамп за израелските медиуми изјави дека нападот врз Иран го извршил затоа што сфатил дека иранското раководство не сака договор!
– Иранците беа блиску до договор, а потоа се откажаа, беа блиску, а потоа се откажаа. Од тоа разбрав дека тие всушност не ни сакаат договор – изјави Трамп за израелскиот Канал 12.
Трамп рече дека Иран до сега ќе имал нуклеарно оружје доколку Америка и Израел не ги нападнеа во јуни.
– Имам многу појдовни точки од оваа кампања. Можам да го продолжам и да преземам контрола над сè или да го завршам за неколку дена и да им кажам на Иранците дека ќе се видиме повторно за неколку години ако почнете да се обновувате. Сигурно ќе им требаат неколку години да се опорават од овој напад – рече Трамп.
Американскиот лидер Доналд Трамп, да потсетиме, утринава објави дека САД започнале „големи борбени операции“ против Иран. Израел претходно објави дека извршил „превентивен“ воен напад против Иран.
Покрај американските воени бази во регионот и на територијата на Израел, во одмазднички напад на мета на ирански беспилотни летала и проектили беа и луксузниот дел на Дубаи, центарот на Абу Даби, главниот град на Бахреин, меѓународниот аеродром во Кувајт…