Изабела Стедман од Англија слободно може да се прогласи за една од најупорните луѓе во светот. Оваа четириесет и седумгодишна жена се обидува да положи возачки испит веќе 30 години и не успева.
Изабела ја учеле да вози седум различни инструктори, таа исто така се обидела да користи хипноза, но ништо не и помогнало. Потрошила повеќе од 11.500 евра на часови и никогаш не стигнала до точка кога ќе биде подготвена да полага возачки испит.
– Понекогаш мама се онесвестува. Таа не може да ја објасни својата фобија и се влошува како што се приближува до кружниот тек – изјавила нејзината ќерка за медиумите.
Упорната жена го сподели својот проблем со луѓето ширум светот.
– Учев да возам 30 години, но сепак кога и да влезам во автомобил ми се чини дека никогаш порано не сум била во автомобил. Не го разбирам тоа, но како да сум толку вознемирена и обземена од страв дека мозокот ќе ми се скрши и ќе ја изгубам свеста за неколку секунди – а кружните токови се најлоши.
Кога ќе се разбудам, ние сме на крајот од патот бидејќи инструкторот мораше да го фати воланот, и јас сум толку исплашена што завршувам во солзи и морам да си одам дома.
– Очајно сакам конечно да возам за да можам да ја однесам ќерка ми на колеџ и да го посетам семејството низ целата земја, но тоа е толку трауматично што се плашам дека никогаш нема да го совладам возењето.
Лекарите и хипнотизерите кои работеа на овој необичен случај останаа збунети и не најдоа објаснување за оваа ретка фобија што се јавува за време на возачкиот испит.
Нејзините деца, Доминик (22) и Стела (17), отишле на часови за возење, додека нивната упорна мајка, дури и по три децении обиди, се плаши дека никогаш нема да добие возачка дозвола.
