Саудиска Арабија изрази жалење поради неусвојувањето на резолуцијата во Советот за безбедност на Обединетите нации со која се прифаќа полноправно членство на Палестина во ОН.
Во официјалното соопштение на Министерството за надворешни работи на платформата Х, Кралството нагласи дека „неусвојувањето на резолуцијата ѝ овозможува на израелската окупација да продолжи со кршењето на меѓународното право без одвраќање и нема да го приближи посакуваниот мир. ”
Министерството го повтори својот повик до меѓународната заедница да преземе одговорност за запирање на нападите на израелската окупација врз цивилите во Газа.
Кралството, исто така, ја потврди својата поддршка за правото на палестинскиот народ на самоопределување и формирањето на нивната држава Палестина на границите во 1967 година со источен Ерусалим како главен град, во согласност со Арапската мировна иницијатива и релевантните меѓународни резолуции.