Јадете мала закуска помеѓу оброците
Наместо да го ограничувате она што го јадете, ви предлагаме да јадете нешто повеќе! Да, добро прочитавте! Кога јадете на секои 3-4 часа, ги намалувате шансите да претерате со количината на храна.
Идеалната закуска нема повеќе од 150-200 калории и е богата со протеини и влакна.
Заменете една шолја кафе со чај на ден
Иако главно се состои од вода, кафето не го хидрира организмот бидејќи има диуретично дејство, што доведува до дехидрација.
Напротив, чајот или некој друг билен пијалок ќе ви помогне да ослабете бидејќи ќе обезбеди хидратација на вашето тело.
На овој начин ќе ги избегнете знаците на жед кои често ги мешаме со знаците на глад, што доведува до повеќе јадење.
Не го прескокнувајте појадокот
Првиот оброк во денот игра многу важна улога во нашата исхрана. Истражувањата покажаа дека оние кои редовно појадуваат внесуваат околу 100 калории помалку во другите оброци и имаат помала тежина од оние кои забораваат да јадат наутро.
Хранливиот појадок, богат со витамини, влакна и протеини, ќе ви даде енергија и ќе го одржи нивото на гликоза во крвта стабилно за да не гладувате во текот на денот.
Додадете повеќе зеленчук во вашата исхрана
Едноставен трик за да изгубите тежина веднаш е да започнете да јадете два или дури три пати повеќе зеленчук секој ден.
Причината е што зеленчукот се состои од голем процент на вода и затоа има малку калории, додека содржи влакна кои ве држат сити со часови.
Додадете многу зачини
Наместо да додадете премногу масло, путер или павлака за готвење, додадете билки кои обезбедуваат добар вкус на храна без калории!
Некои од супстанциите кои се наоѓаат во зачините, како што е капсаицинот во кајенскиот пипер, се многу ефикасни за намалување на гладот и забрзување на метаболизмот.