САД вчера воведоа санкции за четворица Руси поврзани со финансискиот и инвестициски конгломерат „Алфа груп“ и руските деловни асоцијации, како дел од најновите мерки против финансиската елита на Москва поради војната во Украина.
Американското Министерство за финансии објави дека санкциите се насочени кон четири лица кои биле во надзорниот одбор на Алфа – Петр Олегичич Авен, Михаил Маратович Фридман, Герман Борисович Кан и Алексеј Викторович Кузмичев.
Санкции беа воведени и против Руското здружение на работодавачи и Рускиот сојуз на индустријалци и претприемачи, се вели.
„Богатите руски елити треба да се ослободат од идејата дека можат да работат како и обично додека Кремљ води војна против украинскиот народ“, рече заменик-министерот за финансии Воли Адеема во изјавата.
Коментирајќи ги новите санкции, рускиот амбасадор во САД, Анатолиј Антонов, рече дека тие се дел од „неуспешната рестриктивна политика“ и дека Белата куќа „не може да ја уништи економијата и да го поткопа технолошкиот суверенитет“.