Владата на Соединетите Американски Држави најави голем нов пакет одбранбена помош за Украина, кој ќе вклучува ракети за системите HIMARS, противвоздушни пресретнувачи, артилериски гранати и друго оружје, изјави портпаролката на Белата куќа, Карин Жан-Пјер. Танјуг.
„Американската администрација најавува доделување на нов значаен пакет помош за Украина во областа на безбедноста. САД продолжуваат да ја поддржуваат одбраната на Украина од инвазијата на Руската Федерација“, рече таа на брифинг со новинарите, пренесува Укринформ.
Портпаролката на Белата куќа не ја прецизираше вкупната вредност на новата транша помош, но нагласи дека тоа е седми пакет што САД го доделуваат откако американскиот претседател Џо Бајден во април го потпиша законот со дополнителни средства за потребите на националната безбедност.
Со овој закон се предвидени повеќе од 60 милијарди долари за поддршка на Украина.
Купување нови ракети
Портпаролката прецизираше дека новиот пакет ќе содржи ракети за украинските системи за противвоздушна одбрана, муниција за ХИМАРС, артилериски гранати и други „критично важни средства кои се отстранети од американските залихи по овластување на претседателот“.
Дополнително, додаде таа, пакетот ќе вклучува дополнителни средства за купување на нови ракети пресретнувачи за системите за воздушна одбрана Патриот и НАСАМС „за да и помогнат на Украина да ги заштити своите војници и градови од руски воздушни напади“.
На состанокот со украинскиот министер за одбрана Рустем Умеров во вторникот, шефот на Пентагон, Лојд Остин, најави подготовка на пакет помош за Украина во вкупна вредност од над 2,3 милијарди долари.