САД го отфрлија повикот на рускиот претседател Владимир Путин до Западот да ги укине економските санкции со цел да продолжи извозот на жито од Украина.
– Русија е таа која активно го блокира извозот на храна од украинските пристаништа и ја зголемува гладта во светот. Тие се оние кои предизвикуваат недостиг на храна, изјави портпаролката на Белата куќа Карин Жан-Пјер.
Романија го враќа МИГ-21 во употреба поради војната во Украина
Русија треба „веднаш да ја запре војната против Украина“, која се одрази на глобалната безбедност на храната, додаде Жан-Пјер, пренесува Дојче веле.
Во телефонскиот разговор со италијанскиот премиер Марио Драги, Путин рече дека Русија е подготвена да даде „значаен придонес“ за избегнување на претстојната криза со храна, доколку Западот ги укине острите економски мерки што и беа наметнати по инвазијата на Украина.
Западот воведе санкции без преседан на Русија, откако Путин нареди војниците да влезат во соседна Украина на 24 февруари.