Јужнокорејскиот министер за одбрана Ан Гју Бек се сретна со својот американски колега Пит Хегсет по повод годишните безбедносни разговори.
За време на состанокот, Хегсет рече дека САД ќе вложат напори да ја поддржат имплементацијата на ветувањето на американскиот претседател Доналд Трамп дека Јужна Кореја ќе добие дозвола за изградба на подморница на нуклеарен погон во американско бродоградилиште, објави денес Јонхап.
Одобрувањето дојде откако јужнокорејскиот претседател Ли Џе-мјунг го замоли Трамп за време на самитот на Азиско-пацифичката економска соработка (АПЕК) во Гјонгџу минатата среда да му дозволи на Сеул да снабдува нуклеарно гориво за подморницата.
Трамп го потврди одобрението на социјалните мрежи следниот ден, велејќи дека подморницата ќе биде изградена во бродоградилиштето Ханва Океан во Филаделфија.
Оваа година, разговорите меѓу министрите за одбрана се одржаа во позадина на отворени прашања за модернизација на алијансата, вклучувајќи го планот на Јужна Кореја за враќање на оперативната контрола во време на војна и напорите на САД да ги охрабрат сојузниците да преземат поголема одбранбена улога.