Претседателот на САД, Доналд Трамп, објави дека Америка и Иран постигнале договор за двонеделен прекин на огнот.
Според објава на социјалната мрежа Truth Social, прекинот на огнот е постигнат со помош на Пакистан.
„Врз основа на разговорите со премиерот Шехбаз Шариф и фелдмаршалот Асим Мунир од Пакистан, за време на кои тие ме замолија да ја одложам деструктивната сила што беше насочена кон Иран вечерва, и под услов Исламската Република Иран да се согласи на целосно, итно и безбедно отворање на Ормутскиот теснец, се согласувам да го суспендирам бомбардирањето и нападот врз Иран за период од две недели. Ова ќе биде меѓусебно прекин на огнот!“, објави Трамп.
Тој продолжи да ги наведува своите причини за согласувањето со примирјето, повторувајќи ги тврдењата за „исполнување на сите воени цели“.
„Добивме предлог од 10 точки од Иран и веруваме дека тој претставува одржлива основа за преговори. Речиси сите точки од претходните несогласувања веќе се договорени меѓу САД и Иран, но двонеделниот период ќе овозможи договорот да се финализира и склучи“, рече Трамп.
Со ова се запре, барем за следните две недели, конфликтот меѓу Иран од една страна и САД и Израел од друга страна, кој започна со американско-израелските напади започнати на 28 февруари.
Примирјето беше постигнато во последните моменти пред истекот на рокот поставен од Трамп, кој беше поврзан со отворањето на теснецот.
Во случај да не се постигне договор, американскиот претседател објави дека ќе ги интензивира нападите, па дури и ќе ја „збрише цивилизацијата“, пренесува klix.ba.