Канцеларијата за контрола на странски средства (OFAC) на американското Министерство за финансии ја продолжи лиценцата со која се дозволува транзит на руска нафта во Кина преку Казахстан до 19 март 2027 година, соопшти за Интерфакс казахстанското Министерство за енергетика.
Во одговорот на новинарското прашање се наведува дека до продолжување е постигнато по консултација со американската страна, со напомена дека соработката со OFAC ќе продолжи и во иднина.
Транзитот на руска нафта, како што беше посочено, продолжува да се одвива во рамките на постојните исклучоци од режимот на санкции, додека надлежните институции континуирано го следат развојот на ситуацијата.
Претходно, директорот на Одделот за транспорт во националната компанија „КазтрансОил“, Исламдаут Акубаев изјави дека Казахстан добил официјално писмо од OFAC со кое се одобрува продолжување на транзитните операции на руска нафта низ територијата на земјата до Кина, со важност до 29 април 2026 година.
Казахстан во моментов транспортира околу 10 милиони тони руска нафта годишно во Кина, според меѓудржавен договор што трае до 2034 година.
Според достапните информации, Астана и Москва водат разговори за зголемување на обемот на транзит на 12,5 милиони тони годишно, што дополнително ќе ја зајакне енергетската соработка во регионот и покрај сложените геополитички околности.