Владата на Соединетите Американски Држави денеска ѝ одобри втор заем од две милијарди долари на Полска како странско воено финансирање за зајакнување на источното крило на НАТО алијансата.
Loading...
Полска презема голема програма за модернизација на војската, вклучително и купување на американска одбранбена опрема како што се авиони Ф-35, ракетни системи Патриот и борбени тенкови Абрамс, соопшти Стејт департментот.
Полска во моментов троши четири отсто од БДП за одбрана, што е повеќе од сите членки на НАТО.
Средствата од заемот дополнително ќе помогнат во напорите на Полска за модернизација на армијата, се наведува во соопштението.