Сѐ уште трае мистеријата за дронот во Хрватска: Русите објавија снимка од пад на идентичен на Крим истиот ден!

On:
Сподели со своите пријатели

Руската државна новинска агенција ја објави веста дека две украински беспилотни летала од ист тип Ту-141 се урнале во четвртокот. Еден од нив наводно паднал во Загреб, Хрватска, додека друг паднал на Крим.

Loading...

– Првиот од нив падна во близина на градот Красноперекопска (Крим), а вториот во Загреб (Хрватска), летајќи со повеќе од 700 километри – изјавил за Тасс изворот.

 

 

Тој објасни дека ова беспилотно летало е „во суштина мал авион способен да носи прилично сериозен товар од бомба, до еден тон“.

Според него, двата апарата извршиле „пробни летови“ до Крим, но еден од нив скршнал од курсот и полетал за главниот град на Хрватска.

– Делови од украинскиот дрон од типот Ту-141 беа откриени од страна на руските граничари на 11 март во 10:35 часот, на 17,6 километри од државната граница и на 8,5 километри од Красноперекопск на брегот на езерото Красноје – изјави изворот.

Loading...

 

 

– Претходно хрватскиот претседател Зоран Милановиќ изјави дека од Украина е лансиран дрон, кој се урна ноќта во Загреб. Тој изрази изненадување што авионот од стар тип поминал повеќе од еден час на небото над земјите членки на НАТО, а никој не го забележал. Според него, инцидентот се истражува – додава агенцијата.

Украина: Дронот не е соборен над Крим

Украинската државна агенција за специјални комуникации и информации реагираше на оваа објава на Русија и тврди дека тоа е лажна вест.

 

Loading...

 

– Уште една лажна вест. Украински дрон не е соборен над Крим. Руските пропагандни медиуми почнаа да шират фотографии од наводниот украински Ту-141 Свифт над Крим. Сепак, тоа е лага – пишува украинската агенција.

Додека главното прашање е чиј е дронот што се урна во Загреб, полемиката е најмногу на социјалните мрежи бидејќи изјавите на официјалните лица се многу ретки за овој инцидент, а двете страни – и руската и украинската – негираат дека дронот е нивен.

Сепак, само неколку дена пред инцидентот во Загреб, на социјалните мрежи се појавија фотографии од соборениот дрон, за кој се тврди дека е украински Ту-141, оставен од советско време, а кој беше соборен од руските сили на 8 март.