Според некои проценки, Русија можеби изгубила речиси двојно повеќе војници во Украина во декември 2025 година отколку што СССР загуби за време на целата војна во Авганистан.
Ова неодамна, во интервју за Sky News, го изјави поранешниот директор на британската разузнавачка служба МИ6, Ричард Мур, наведувајќи дека само во декември во Украина загинале околу 30.000 руски војници, оценувајќи ја таа бројка како „зачудувачка“.
Споредувајќи ги овие податоци со војната во Авганистан, која траеше од 1979 до 1989 година, Мур потсети дека во тој десетгодишен конфликт загинале приближно 15.000 советски војници.
„Загубите се огромни и ќе биде исклучително тешко дури и за Русија да компензира такво ниво на страдање. Затоа тие сè уште бележат многу лоши резултати на фронтот“, рече Мур.